სახელმწიფო მმართველობის სკოლა და კულტურის სამინისტრო ურთიერთთანამშრომლობის მემორანდუმს აფორმებს

18 მარტს საქართველოს საზოგადოებრივ საქმეთა ინსტიტუტის სახელმწიფო მმართველობის სკოლასა და საქართველოს კულტურის, ძეგლთა დაცვისა და სპორტის სამინისტროს შორის ურთიერთშეთანხმების მემორანდუმს მოეწერა ხელი, რისთვისაც კულტურის მინისტრი ბატონი ნიკოლოზ რურუა სპეციალურად ესტუმრა GIPA-ს. 

მემორანდუმის თანახმად, კულტურის სამინისტრო და GIPA ერთობლივ ინიციატივებს განახორციელებენ სხვადასხვა მიმართულებით. სახელმწიფო მმართველობის სკოლა სამინისტროს თანამშრომელთა კვალიფიკაციის ამაღლებას შეუწყობს ხელს, რისთვისაც ჩაატარებს სპეციალურ ტრენინგებს და სამინისტროს სკოლის მიერ თარგმნილ და მომზადებულ ლიტერატურას მიაწვდის, ხოლო სკოლის ექსპერტები და სტუდენტები სამინისტროს ანალიტიკური ჯგუფის მუშაობაში ჩაერთვებიან, ჩაატარებენ კვლევებს და დაამუშავებენ სამინისტროსთვის აქტუალურ თემებს. კულტურის სამინისტრომ, თავის მხრივ, ვალდებულება აიღო დაინტერესებული სტუნდენტების სტაჟირებას, სკოლის საჭიროებებიდან გამომდინარე სასწავლო პროგრამებს კონსულტაციის გაწევას და წარმატებული სტუდენტისათვის სტიპენდიის დანიშვნის საკითხის განხილვას შეუწყოს ხელი. 

ხელმოწერის ცერემონიაზე, ბატონმა ნიკოლოზ რურუამ ხაზი გაუსვა ამ მემორანდუმის მნიშვნელობას და იმედი გამოთქვა, რომ სახელმწიფო მმართველობის სკოლასა და კულტურის სამინისტროს შორის თანამშრომლობა ნაყოფიერი იქნება. მან აგრეთვე ისაუბრა საქართველოს საზოგადოებრივ საქმეთა ინსტიტუტის სამაგისტრო პროგრამების მნიშვნელობასა და GIPA-ს იმ წარმატებულ კურსდამთავრებულებზე, რომლებიც დღეს საჯარო სექტორში მოღვაწეობენ. 

ურთიერთთანამშრომლობის მემორანდუმს ნიკოლოზ რურუამ და სახელმწიფო მმართველობის სკოლის დეკანმა, მაკა იოსელიანმა მოაწერეს ხელი.

ფრანგი ტელე ჟურნალისტის მასტერ კლასი GIPA-ს სტუდენტებისათვის

ოლივიე მიშელი, ფრანგი ჟურნალისტი და რამდენიმე ცნობილი თოქ-შოუს წამყვანი, ორი კვირის განმავლობაში GIPA-ს ჟურნალისტიკისა და მედია მენეჯმენტის კავკასიური სკოლის მეორე კურსის მაგისტრანტებს ინტენსიურ ტრენინგებს უტარებდა სატელევიზიო ახალი ამბების მომზადების ტექნიკის სფეროში. ეს ტრენინგი პრაქტიკული უნარ�ჩვევების გამომუშავებისათვის ძალზე მნიშვნელოვანია, ვინაიდან სტუდენტებს რეპორტაჟების მომზადება რეალურ ვითარებაში უხდებათ.

ტრენინგის ორგანიზება "კანალ ფრანს ინტერნაციონის" დახმარებით გახდა შესაძლებელი. ეს ფრანგული ორგანიზაცია მედიის სფეროში თანამშრომლობის მრავალი პროექტის ავტორი და მხარდამჭერია.

GIPA-სპროგრამა ჯურნალისტიკასა და მედია მენეჯმენტში ორწლიანი ინგლისურენოვანი სამაგისტრო პროგრამაა, რომელიც არა მარტო ქართველ სტუდენტებს, არამედ სომეხ, აზერბაიჯანელ და ყაზახ ახალგაზრდა ჟურნალისტებსაც ასწავლის თავისუფალი მედიის მუშაობის საუკეთესო გამოცდილებასა და უნარ-ჩვევებს.

2008 წლის 20 ივლისს საქართველოს საზოგადოებრივ საქმეთა ინსტიტუტის სტუდენტები ივლისს და კურსდამთავრებულები: გიორგი გოგორიშვილი, თემურ თორდინავა, თათია ბოჭორიშვილი, გიორგი შენგელია , მიხეილ ძაგანია, გიორგი გურგენაძე შეხვდნენ საქართველოს ექსპრეზიდენტს ბატონ ედუარდ შევარდნაძეს. შეხვედრა დაახლოებით 2 საათს გაგრძელდა. საუბარი ძალზე საინტერესოდ წარიმართა და შემდეგ საკითხებს შეეხო: კონსტიტუციური მონარქიის შესაძლებლობა საქართველოში, რუსეთ-საქართველოს ურთიერთობა,  აფხაზეთისა და სამაჩაბლოს კონფლიქტები, საქართველოს NATO-ში ინტეგრაციასა და სხვა .

ძვირფასო GIPA-ს სტუდენტებო, კურსდამთავრებულებო, ლექტორებო და მეგობრებო!

 დარწმუნებულნი ვართ, რომ ამ ძნელბედობის ჟამს ინარჩუნებთ სიმშვიდეს და იმედს არ კარგავთ. გვინდა გვჯეროდეს რომ თქვენი ოჯახები და მეგობრები ჯანმრთელად და უსაფრთხოდ არიან. საქართველოს საზოგადოებრივ საქმეთა ინსტიტუტის ადმინისტრაცია ჩვეულ რეჟიმში მუშაობს. ჩვენ მზად ვართ თქვენ ნებისმიერ შეკითხვას პასუხი გავცეთ და, საჭიროების შემთხვევაში, დახმარებაც აღმოგიჩინოთ. ჩვენი საკონტაქტო ტელეფონებია: 931466 ან 934346 მოგიწოდებთ დახმარება აღმოუჩინოთ კონფლიქტის ზონიდან დევნილ მოსახლეობას, რომელიც ამჟამად უკიდურეს გაჭირვებაში იმყოფება. ხუთშაბათს, 14 აგვისტოს, 10 საათიდან საღამოს 18 საათამდე, ინსტიტუტის ეზოში დაიწყება დახმარებისათვის საჭირო ნივთების შეგროვება. ძირითადი საჭიროებებია ტანსაცმელი, ფეხსაცმელი, თეთრეული, ლეიბები, ბალიშები, საბნები, პირსახოცები, მშრალი საკვები, ჭურჭელი, პირადი ჰიგიენის საგნები, ბავშვის ჰიგიენის საგნები და ა.შ. დღის ბოლოს ინსტიტუტი შეგროვებულ ნივთებს გადასცემს დახმარების შესაბამის შტაბებს. წინასწარ მადლობას გიხდით გამოჩენილი სოლიდარობისა და გულისხმიერებისათვის. საქართველოს საზოგადოებრივ საქმეთა ინსტიტუტის ადმინისტრაცია.

გამარჯვებული ფეხბურთელების დაჯილდოვება

შაბათს 24 მაისს, საქართველოს საზოგადოებრივ საქმეთა ინსტიტუტის სტუდენტები და ადმინისტრაცია შეიკრიბა, რათა ინსტიტუტის ფეხბურითის ყოველწლიური ჩემპიონატის გამარჯვებული სახელმწიფო მმართველობის სტუდენტთა გუნდი დაეჯილდოვებინა. ფინალი, სადაც ჩემპიონები ზოგადი მენეჯმენტის სტუდენტებს დაუპირისპირდნენ, დაძაბული გამოდგა. ტურნირის ბედი პენლების სერიამ გადაწყვიტა.

ცნობილი ქართველი ფეხბურთელები რევაზ და არჩილ არველაძეები სპეციალურად ესტუმრნენ საზოგადოებრივ საქმეთა ინსტიტუტს, რათა გამარჯვებულთათვის თასები და საპატიო სიგელები გადაეცათ.

დაჯილდოვების ცერემონიისათვის მოწყობილ �შავ-თეთრ� წვეულებაზე განსაკუთრებულად გემრიელი ფეხბურთის მოედნის ფორმის უზარმაზარი ტორტი გამოდგა, რომელსაც დიდი შოკოლადის ბურთი ამშვენებდა.

GIPA-ს სტუდენტები საქართველოს კათოლიკოს პატრიარქს შეხვდნენ

ქ-ნ კოლინ გრაფი GIPA-ს სტუდენტებს შეხვდა
საქართველოს საზოგადოებრივ საქმეთა ინსტიტუტს ქ-ნ კოლინ გრაფი ესტუმრა. ქ-ნი გრაფი ამერიკის შეერთებული შტატების სახელმწიფო მდივნის თანაშემწის მოადგილეა ევროპისა და ევრაზიის საკითხთა განყოფილებაში. ქ-ნ გრაფმა წაიკითხა ლექცია თემაზე ”ამერიკის სახალხო დიპლომატიის როლი გლობალურ თანამეგობრობაში”.

ლექციის დასაწყისში, ქ-ნ გრაფმა მოყვა თავისი სტუდენტური წლებისა და ლონდონის უნივერსიტეტში მუშაობის შესახებ. მოგვიანებით ლექცია ინტერაქტიულ შეხვედრაში გადაიზარდა და სტუდენტები აქტიურად ჩაებნენ ქვეყნის იმიჯის გაუმჯობესებისათვის სახალხო დიპლომატიის როლის შესახებ მსჯელობაში. ლექციის დასასრულს, ქ-ნ გრაფმა სტუდენტების შეკითხვებს უპასუხა კოსოვოსა და აფხაზეთის საკითხების შესახებ და აღნიშნა, რომ კოსოვო არ განიხილება პრეცედენტად აფზაზეთის კონფლიქტის მოგვარებისას. სტუდენტთა კითხვები აგრეთვე შეეხებოდა მედიის თავისუფლებასა, საქართველოს ნატო-ში გაწევრიანებასა და სხვა საკითხებს.

ქ-ნი გრაფის რადიო GIPA-სთან ინტერვიუს შეგიძლიათ მოუსმინოთ პარასკევს, 19:00 საათზე.

ბ-ნ გიორგი გაბაშვილის ინტერვიო რადიო GIPA-სთან შეგიძლიათ მოისმინოთ აქ.

ეს ტურნირი უკვე ხუთი წელია რეგულარულად ტარდება და მასში მონაწილეობას იღებენ ინსტიტუტის სტუდენტები, კურსდამთავრებულები, ადმინისტრაციის წარმომადგენლები, ლექტორები, საქართველოს საზოგადოებრივ საქმეთა ინსტიტუტის პარტნიორი და დონორი ორგანიზაციები, საქართველოში აკრედიტებული საერთაშორისო მისიებისა და საელჩოების წარმომადგენლები და სხვა სტუმრები.

შეჯიბრმა ექვსი საუკეთესო მოთხილამურე გამოავლინა. გოგონებს შორის გამარჯვება ინსტიტუტის სტუდენტმა ნანიკო კლდიაშვილმა მოიპოვა, ხოლო ბიჭებში საუკეთესო თი-ბი-სი-ს წარმომადგენელი გიორგი გალოგრე გამოდგა. ყველაზე უარესი შედეგის მაჩვენებემა, 12 წლის გიორგი მოსიძემ ტრადიციული პრიზი, კერამიკული ჩაიდანი, დაიმსახურა.

11 თებერვალს ”საინფორმაციო ცენტრმა ნატოს შესახებ” საქართველოს საზოგადოებრივ საქმეთა ინსტიტუტის სტუდენტებისათვის ჩრდილოატლანტიკური ალიანსის შესახებ საინფორმაციო სემინარი მოაწყო. მოწვეული სპიკერი საქართევლოს ყოფილი საგარეო საქმეთა მინისტრი, ამჟამად ატლანტიკური საბჭოს თავმჯდომარე, ბატონი ირაკლი მენაღარიშვილი გახლდათ.

ბ-ნმა მენარარიშვილმა ილაპარაკა საქართველო-ნატოს ურთიერთობის უმთავრეს საკითხებზე და აგრეთვე, იმ მნიშვნელოვან თემებზე, რომელნიც ბუქარესტის მომავალ სამიტზე განიხილება. მან განიხილა პარტნიორობის სამოქმედო გეგმაზე (MAP) გადასვლის პერსპექტივა და ისაუბრა იმ სამუშაზე, რომელიც საქართველოს მთავრობამ უნდა ჩაატაროს სამხედრო და უშიშროების სფეროებში და, აგრეთვე, პოლიტიკური და ეკონომიკური ტრანსპორმაციის კუთხით, რათა ჩრდილოატლანტიკურ ალიანსში საქართველოს გაწევრიანება შესაძლებელი გახდეს.

ვინაიდან დეველოპერულ საქმიანობას დიდი მნიშვნლობა ენიჭება ქვეყნის მუნიციპალურ განვითარებაში საქართველოს საზოგადოებრივ საქმეთა ინსტიტუტმა ჩათვალა, რომ მომავალი სახელმწიფო მოხელეებისათვის ამ ტიპის ცოდნა აუცილებელია. ლექციათა ეს კურსი საქართველოს საზოგადოებრივ საქმეთა ინსტიტუტის მოკლე სერტიფიცირებული კურსის - ქალაქის მართვა და განვითარება - ნაწილი გახდება, ხოლო სექტემბრიდან ადგილობრივი თვითმმართველობის სამაგისტრო პროგრამის აუცილებლად შესასწავლ დისციპლინათა სიაში შევა.